ما معنى الحياه بالنسبه اليك

السلام عليكم ورحمه الله

كيف تتخيل حياتك ؟؟ وماذا تريد منها ؟؟

واهم شىء ليك فيها ؟؟ وبتحلم تاخد ايه منها ؟؟

او عايز منها ايه !

بالعكس الحياه تاخد ومتديش

انت عاز منها ايه

الحب ** المال ** النفوذ**

ولا انت عايش ليه

تاكل ** تتفسح مع الحبايب ** يكون مظهرك جميل قدام الناس **او الناس تقول عليك
انك جميل ومفيش زيك

بالعكس ولا هينفعك اى حاجه من دى

الباقى ليك من الدنيا هو

عملك / تقربك من الله عز وجل / معامله الناس / صله الارحام

هو ده راى وبكل صراحه

مستنى منكم ااراكم فى كلامى وبصدق

الحياه مجرد وقت واحنا فيها عابر سبيل

يارب يعجب حضراتكم ومستنى ردكم الجميل

موضوع رااااائع جدا
تسلم اناملك
رايي في الموضوع انه انا عايشه علشان انا عايشه مش ينفع اموت لسه ماجاء يوم والحياة اخدت مني كتير وفعلا الحياة بتاخد مابتدي
بس اتمنى انها تديني حاجه وحده من اللي اخدته الاحساس بالامان
دا كفاية
احلم لبكره اني اعيش في امان وبسلام بعيده عن اي خوف يهددني احس بالهدوء والراااااااااااااااااحه
بأومن ان مايبقى لك في الحياة بعد مماتك غير حاجة وحده هو اسمك النظيف الطيب وقد ايه انت اثرت في الناس اللي انت عرفتهم
مهما كانو سيئيين هايجي يوم ويعرفو قيمتك الحياة مش على وتيرة وحده ولايمكن تفضل عايش مع نفس الناس الى اخر عمرك لانك لابد انك هاتفارقهم الاب والام والاخوه والاخوات الاولاد يمكن الشخص الوحيد اللي بتفضل معاه لاخر عمرك هو الزوج او الزوجه
علشان كدا دايما بعمل الخير واقول مش مهم يفتكروة الان المهم اني بعد مااغيب عنهم سواء بموت او ببعد انهم يقولو الله يذكرها بالخير سارة كانت طيبة وعلى اخلاق عمرنا ماسمعنا الكلمة الوحشه منها
ودا ضربته كبيره جدا مش اي حد يقدر يمشي على الاسلوب دا لان بيقتل جواك اشياء كتيره
وطبعا كل دا والاهم منه انك تعبد ربنا وتعرف ان الله يمهل ولا يهمل ودا اللي بيخوفني ويعمل لي رعب علشان كدا مابحب اظلم واخاف اجرح حد احسن ربنا يعاقبني اسوء عقاب
سوا في الدنيا والاخره
اهم سبب يخليني نواصل الحياة هو يقنا بأن ربنا كبير وانه ان مااعطانا في الدنيا هايعطينا في الاخرة ودا بحد ذاته سر للحياة
انا اسفه رغيت كتير بس موضوعك رائع جدااااااااااااا
سبت نفسي لقلمي وكتبت بدون مااراجع كلامي
تقبل مروري وخالص شكري

انتى بجد يا ساره واول مره اعرف اسمك

انسانه رائعه ومؤدبه جدا ومميزه ايضا

لانك بتدى لكل الناس الحب والطيبه والحنيه

وده شىء جميل مش اى حد يقدر يعمل كدا من غير

انتظار للمقابل ودلوقتى الناس كلها بتعمل اى حاجه عايزه

المقابل بتعها

وانتى مش بترغى ولا حاجه اللمهم انك تكونى استريحتى بعد ما كتبتى

لان لما الانسان يفضفض بكل حاجه جواه بيستريح كتير

ويارب ان شاء الله تعيشى حياه هاديه بدون خوف او ظلم

من اى حد او تنجرحى من اى حد

انا اسف جدا ليكى ان كنت بالغت فى تعبيرى عنك

بس فعلا ده ال انا حاسه من كلامك

دمتى بكل سعاده وهدوء

» الحياه والموت
» معنى الحــــــــــــــــب