إزاي تغلس على خلق الله

زائر

ازاى تغلس على خلق الله - ادخل و اتعلم اصول الرخامة و الغلاسةبجد هتفطس من الضحك هههه
ازاى تبقى رخم؟؟؟؟.....

يعنى اغلس عباد الله وبارد لدرجة التجمد؟؟؟ بص ياسيدى.....

قول نكته طويله و لما تيجى عند آخر سطر و هو السطر المهم اللى فيه الأفيه و أعمل نفسك نسيته ، ولو حد غلس قوله : و الله كانت نكته جامده بس الظاهر أنى نسيتها .

· هات بخاخه مطهر ديتول و أمشى ورا شخص ما فى اى حته ، و كل ما الشخص ده يمسك حاجه و يسيبها ... تروح راششها بالمطهر على طول .
· و أنت بتتكلم فى موضوع أقطع كلامك و أدى انطباع أنك هاتكمل ... و ماتكملش ..."بس خلاص كده " .

· لما حد يشكى لك من حاجه قوله أنا عندى مشاكل أكتر منك .

· فى مطعم .. بص للشخص اللى قاعد على ترابيزه جنبك و أنت ماسك لقمه فى ايدك و قوله "ممكن الطحينه بتاعتك ثوانى" ؟ .

· كل ما حد يقولك حاجه عيدها بصيغه سؤال ، مثلا هايقولك "مش أنا اتجوزت" قوله "أتجوزت؟!" هايقولك "اه الشهر اللى فات" قوله " الشهر اللى فات؟!" ..... و هكذا .

· و أنت واقف بتتكلم مع حد برق عينيك فجأه و أسأله "سمعت؟!" هيسألك "سمعت ايه؟!" قوله ولا حاجه ... خلاص راحت .

· بعد عشر دقايق ، اعمل نفس الحركه تانى .

· و انت بتتكلم مع شخص ما ، ماتبصش فى وشه أبدا .

· و انت بتتكلم مع شخص ما ، افضل مركز فى وشه اوى .

· طول ما أنت قاعد مع زمايلك فى الشغل ، صفر موسيقى نشيد بلادى بلادى .

· علق فانوس كبير فى الشارع و حبال زينه ، بشرط ميكونش فى رمضان !!! .

· أتكلم مع الناس بصوت الروبوت .

· أستلف قلم من حد ، وحط القلم فى بقك ، و أعمل نفسك بتفكر و منهمك و أنت عمال تعضعض فى القلم !!! .
· و أنت فى المول ، ماتمشيش عادى ، لأ .. افضل نط لحد ماتوصل للمكان اللى رايحه .

· فى المترو امضغ لبانه بصوت عالى و انت واقف جنب حد بيقرا مجله او جرنان ، و أنت بتقرا معاه طبعا .

· اعزم ناس فى حفلات ناس تانيه "عيد ميلاد او خطوبه او فرح ..." .

· سيب اشاره العربيه الشمال شغاله لمده 5 كيلو متر من غير ماتلف .. و بعدين اطفيها فجأه و كمل طوالى !!! .

· أول ماتشوف كيس كاتشب واقع عالأرض دوس عليه برجلك جامد و قول للى معاك "أنا كنت بشوفه فاضى و لا مليان" !!! .

· فى حفله عيد ميلادك أطلب من ال D.jأنو يشغل أغنيه بعينها 18 مره ورا بعض .. "أنا بحب الأغنيه دى اوى يا جماعة" !! .

· لو واقف جنب حد بيعد فلوس و فى وسط ما هوا بيعد قول اى رقم عشوائى "862" .

· العب فى الوان التليفزيون لحد ما الصوره تبقى بنفسجى ، وتبقى الناس كلها لونها بنفسجى ، و اعزم اصحابك عالماتش عندك فى البيت .. و لو حد اعترض ، قوله "أنا شايف ان ده لون الحياه الحقيقى" !!! .

· و أنت ماشى فى حته اى حاجه تقابلك طبل عليها .

· البس جراب زى الجراب اللى بيتحط فيه المسدس .. بس حط فيه الريموت كنترول .

· غير القناه قبل نهايه الفيلم او الماتش او المسلسل بخمس دقايق .·
أضحك لواحده ماتعرفهاش فى الشارع وقولها بصوت عالى " ازيك .. عامله ايه؟!!! " إزاي تغلس على خلق الله 7579

.
(منقوووووووول)

ههههههههههههههههههههههههههههه

اية دة كلة

دى رخامة محصلتش

هااااااايل بجد

تقبلى تحياتى ومرووى

المصرى

زائر

أنا عارفه إنها رخامه وغلاسه كمان بس حبيت أقرفكو بيها شويه ههههههههههههههه

معلش سامحوني مش هبقى أكررها تاني

ميرسي على مرورك يامصري

ازاى بقى الكلام دة

انا باطلب منك المزيد من المواضيع الشيقة

موضيعك كلها جامدة

منتظر المزيد من موضيعك

وعاويز اقولك انتى امتعتينا بموضوعك الجامد

تقبلى تحياتى ومروى

زائر

خلاص ماشي مادام عاجباك الغلاسه دي أوك مش هحرمك منها ههههههههههههههههه

بس عايزه تفاعل معاها أكتر من كده

إنت طبعا كفايه أووووووووووي بس برضه عشان نفسيتي ع الأقل يعني هههههههههههه

طبعا التفاعل موجود

دا نظام ايه دا بقى

ظام غلاسة ولا تباتة

ولا نظام ايه بالظبط

بصراحة اا لو حد عمل معايا كدة

اا مش عارف ممكن اعمل معاه ايه

بصراحة رخامة فوق المتوقعة

وتنرفز اى شخص حتى لو كات اعصابة ثلاجة

هههههههههههههههههههههههه

مشكورة على على الموضوع

ودمتى بكل ود تقدير

وبعد ي يا ستى اتى مستعجلة على التفاعل ليه
المتدى لسه جديد

وربنا يسهل يكبر